ثقافة وفن

الذوق مخرجش من مصر

بقلم ..سيف صفوت

(الذوق مخرجش من مصر)
كان زمااااااان أيام المماليك واحد شغال تاجر واشتهر أنه إنسان ذوق جدا في التعامل مع الناس
فالناس كل ما تشوفه تقول الذوق راح… الذوق جه….وفعلا اكتسب اللقب (ذوق )عن جدارة وبقت سمعته معروفه بكده

الذوق كان راجل محبوب جداااا وكريم لدرجة أن أى خناقة تحصل في الحوارى والشوارع كان هو اللى بيروح يفضها ويصالح الناس على بعض
بس في مرة من المرات قامت خناقة جامدة جدا ويقال كانت بين عيلتين كبار اووى وحاول كالعادة يصلح بينهم

بس للأسف معرفش الذوق يصالح بينهم فقرر يسيب المنطقة اللى ساكن فيها وقبله مليان حزن على الخناقات اللى بتحصل
وفجأة وهو ماشي ولسه يدوب هيخرج من بوابة مصر وقع من طوله ومات وادفن مترح ما مات ( جنب بوابة الخروج بتاعت مصر زمان ) ومخرجش الذوق من مصر
عشان كده اللى بيحب يتابع افلام زمان يلاقي أن لما كانت تقوم خناقة بين الفتوات أو حتى بين الناس العادية
فجأة نلاقي في وسط المشهد السينمائى واحد يطلع يقول (يااااا جمااااااعة عيب.. ده الذوق مخرجش من مصر” بمعنى أن الذوق مدفون بيننا)

🤳♥️

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق