شعر وأدب

الحشيش

كتب / دكتور مسعد السيسي

جلس الجميع في دائرة . الضوء الخافت يضفي على المكان سحرا خاصا. الجوزة تمر عليهم ، وعم طاهر صاحب الغرزة يقف بجسده النحيل ، ووجهه الترابي اليابس ليغير حجر الجوزة، بعد أن يدس فيه قطعة الحشيش ، ثم يرص الفحم المتقد على الحجر بعناية . يسحب جاسر زعيم القعدة عدة أنفاس متقطعة ثم يسحب نفسا طويلا عميقا، فينتفخ صدره ثم ينفخ الدخان الأزرق الكثيف ، ويشتعل الفحم ،و تخمد النار، فينظر إليه الجميع معجبين بقوة شفطه ،وكفاءة صدره.
ينظر جاسر الي الجميع بعد أن لعب الحشيش برأسه ويقول ..
– عندي لكم بشرى
– ايه؟ يرد الجميع بلهفة في نفس واحد
– كل الشيوخ اجمعوا ان مراتك في الدنيا هي مراتك في الآخرة.
– اووووووف.. ليه كده بس بوظت التعميرة … يرد فارس بصوت غاضب
– يالطيف اللطف يارب ….يصيح حازم وهو يناول الجوزة لزميله
– انا لله وانا اليه راجعون … يقول إبراهيم متنهدا
لكن عوف يفجر المفاجأة ويتحدى جاسر وهو يسحب نفسا عميقا ويسأل جاسر..
– امال الحور العين لمين يا عم جاسر؟
– احنا بنتكلم علي النار يا بني …مالك انت ومال الجنه فيضحك الجميع بصوت هستيري واحد على النكته هههههههههههههه فترج الضحكات أرجاء الغرزة.
– طيب واللي ماشي مع الستات شمال ؟
– يومها بقي …….هيتلموا عليه ……..ويقطع وووووه
– طيب واللي مش متجوز خالص وماشي عدل، ايه الحل ؟
– مش هيدخل جنة ولانار
يحزن عوف عندما علم أن النار وزوجته هما مصيره في الآخره . لكن جاسر يطمئنه عندما قال له أنه سيظل في النار فترة ثم يذهب الي الجنة . يصيح الجميع بصوت واحد ..الله أكبر ..الله أكبر… يحيا العدل .
يستكمل جاسر تصريحاته
– عندي لكم مفاجأة تانية بس ايه …..مفاجأه من نار .
– قول قول ياعم جاسر فرّحنا .
– احنا كلنا كده هندخل في الآخر الجنة ، وستاتنا هيفضلوا في النار
– الحمد لله يعني مش هتيجوا معانا الجنة ؟
– أيوه .. ربنا هيخليهم في النار
– ليه؟ يسأل الجميع بسعادة
– عشان يعذب بهم الكفار…ههههههههههههههههههه
– يصيح الجميع .وهم يمسحون وجوههم .. الحمد لله على نعمة الايمان .
يقول عم طاهر صاحب الغرزة بحماس و بصوته الأجش .. الحمد لله ان ربنا يجمعني بزوجتي المخلصة تانى، واشوف انا قصرت معاها فى ايه، ربنا يخليكي ليا يا حبيبتى. ينظر الجميع إلى زوجة عم طاهر البدينة الواقفة علي باب الغرزة وهي تمسك الصينية المحملة بالشاي الساخن فيقول له أحدهم …. اه ياصايع ، ويقول آخر ..افتكر الجمايل دي ياعم طاهر ، وتضج الغرزة بالضحك .

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق