ثقافة وفن

الحب بقلم .ليمي سعيد

كتبت ليمي سعيد

الحب
بقلم .ليمي سعيد
حرفين مغلبين الناس كلها و تاعبينهم و ناس كتير فاكرة أنها تعرف معناهم وهما فاهمينه غلط جدااا . الحب مش كلام أغاني ولا كلام بيتردد ومحفوظ كده والسلام .ده شعور و إحساس بيتحس ملهوش شرح . أبوك وأمك و قلقهم علي ولادهم وهما بره ومبيردوش عالموبيل ولا وهما داخلين إمتحان أو غيره وغيره من مواقف مهما كانت تبدو بسيطه . و خوفهم عليكم . دعائهم ليكم في كل صلاة و انتم ما تعرفوش و حرقة قلبهم عليكم لو صابكم مكروه أو حتى ضيق . و يا سلام علي احساس حرقة القلب منكم لما تبجحوا فيهم أو تنسوهم أو تقسوا عليهم ملهاش تفسير ولا وصف . الحب أخوات طيبين جدعان جداً بيحبوك من غير مصلحه بيخافوا عليك وبيتمنولك الفرح والاستقرار هدفهم سعادتك انت وبيتك وولادك .حب الأولاد للأب والأم و استعدادهم أنهم يضحوا بروحهم فداهم و يخافوا عليهم وعلي زعلهم و علي صحتهم .الحب عيلة صافية وقلوب طيبة و قعدة حلوة و ضحكة من القلب و جدعنة في كل المواقف قلب واحد . الحب شريك حياة زوج أو زوجة يفرح لفرحك و يتوجع لحزنك . ما تهونش عليه أبداً مهما كانت الظروف مش بالكلام لأن اصلاً ما بيقدرش يوجع قلب اللي بيحبه ولا يزعله ولو حصل لأى سبب بيحس أن قلبه بيبكي و بيتكوى من جوه لحد ما يشوف ابتسامتة لأن مجرد ما يبتسم بيحس أن روحه رجعتله . الحب سعادة وحياة مع إنسان وجوده جنبك بس بيحسسك انك فالجنه اللقمة من إيده وليمه والقعدة معاه عندك احلى من احلى خروجه بيوحشك وهو معاك صوته فودنك و صورته مبتفارقش عينك و كلامه ما بتنسهوش لحظة مجرد ما بتسمع اسمه بتفرح تلقائى . الحب هو قلب بيرقص من الفرحه لفرحه وقلب بيبكي دم لحزنه أو وجعه مستحيل أقتنع أن اللي بيحب حد بيستحمل وجعه و بيهون عليه .مستحيل أنك يجيلك نوم وانت مخاصمه أو بينكم زعل ومهما حاول يقسي عليه يلاقي قلبه بيمنعه و بيتخانق معاه .الحب ده اللي ما ينفعش يتمثل هو اللي بيصبر علي أى مشكله فالحياة بيدى قوة تخليك تعدى أى ازمه احساسك أن الشخص ده بيحبك فعلاً بيخليك مستعد تضحى بروحك علشانه حرفياً و أنت مبسوط وسعيد . الحب ده شعور داخلي في ناس مهما عملت لنا مش هنحبها وناس مهما عملت فينا بنحبها . علشان كده لازم نكون في صراحة مع أنفسنا ومع غيرنا و منقولش كلمة بحبك غير لو فعلاً جوانا بنحب الشخص ده او حتى في درجه من الحب . اوعى تيجي علي حد علشان بيحبك و توجع قلبه و انت جواك حاسس بنصر عليه أنك قهرته لأنك كده مش امين علي قلبه وحبه الحب بيزيد مع الوقت والمواقف انما لازم يكون موجود من الأساس والا عمره ما هيتوجد .أياك و الكذب في الحب والعبث في قلوب الأمنيين لأنك بذلك تخلق جرحاً والماً لا يعرفه الا رب العالمين . استمتعوا بالحب و بمن تحبون فهم هبة من الله لكم ونعمة تستحق الحمد وليس البطر.

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى