مملكتي بتقولك

التجريح

بقلم : إيڤيلين موريس

ماتجرحش ست عجوزة بتكرر الكلام عشان حضرتك زهقت…
متجرحيش صاحبتك وتقوليلها مش هفرح بيكى بقى يلا شدى حيلك..تعمل إيه يعنى!!!
متجرحيش واحدة وتقوليلها معندكيش ولاد ليه إيه السبب!!! اكيد ده فضول مش سند…
متجرحش حد قال كلمة إنجليزى غلط ..وتقوله هى بتتنطق كده مش كده!!! إبن الناس بالمعاملة مش باللغات!!..
متجرحيش واحدة مطلقة أو خطوبتها إتفسخت وكل شوية تقوليلها عاملة إيه النهاردة!!! عادي في كتير زيها …
مايبقاش جنبك تاكسى وإنت سايق ملاكى وكسرتو على بعض فتقوله إنت فاكر عربيتك ملاكى دى عليها اقساط!!!..
متجرحش مراتك وتقولها إنتى تخنتى كده ليه!! قولها نفسى تبقى اجمل من كده وشجعها!!! مش تطلب منها محشى !!
متساعدش حد قدام الناس وتفضحه قال يعنى عايز تبقى قدوة لغيرك!!! المساعدة قدام ربنا مش الناس!!
متقولش لزميلك هو أنت معندكش غير الطقم ده كل يوم!!! ده مش فكاهة ده تطفل..
متحرجش طفلك قدام الناس وتزعقله…علمه يبقى عزيز النفس قدام نفسه قبل الناس..
ماتجبش لحد هدية وتصر إنه يفتحها قصاد الناس فى وقتها!!! دى هدية ولا دعايا لواجب قمت به!!!..
لو قدمت لحد حاجة مش شعبية ومعروفة والحد ده سألك ده إسمه إيه…متتفزلكش وتقوله معقولة مادقتوش قبل كده مش عارفه!!! ده ضيافة ولا مظاهر!!..
لو مع حد بيشترى لبس وإقترحت عليه لبس معين ماتفضلش تلح يشتريه حتى لو عاجبه مايمكن غالى عليه…قول رأيك وخلاص..
العكس كمان لو حد قالك على حاجة مش عجباك.إنه ده حلو قوى …ماتبصش بقرف وتقوله إيه العك ده فلاح موووت…خليك ذوق بأخلاقك قبل استايلك..
ماتجرحش ..ماتطفلش…ماتتكبرش..مش عشان بس إنت مايتعملش فيك كده من ناس تانية….لا لكن عشان الناس مش مستحملة وجع فوق وجعها…خف الناس شايلة كتيررررر…
صح ولا ؟؟؟

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى
إغلاق

c99,r57,wso,b374k,mini,c99.txt,r57.txt,wso.txt,b374k.txt,mini.txt,php shell,r57 shell,c99 shell,wso shell,b374k shell,mini shell,asp shell,aspx shell