ثقافة وفن

الباب يفوت جمل

بوسي مرسي تكتب
الباب أهو مفتوح عشان يخرج كل جروح مع السلامة من غير سلام ولا حتي كلام عشان أصله خلص الكلام ومافيش كلام يتقال في عتاب الأندال هاتقول أيه وتحكي أيه ماهو أصل الندل عتابه أجتنابه أصله بعيد عنك مريض بمرض عنيد قله الأصل
ماشيه في دمه تقولش راضعها من أمه أبعد أنت بعيد عنه لحسن يعديك وقتها بس هاتبقي زيك زيه بس أصلك أنت مش متعود علي قله الأصل ومدوك
تعبت أنا منك كتير من كتر ماعملت معاك ونقول بكرة يخف لكن قف تخف أزاي وأنت أصلك لعين علي غيرك باصص بالعين ومركز أوي روح ركز في حالك ويارب تعرف تعدل أحوالك وأتركني في حالي عشان أنا أحوالي لا حول ولا قوة ماشية ببكرته هو
خلاص الباب مفتوح ويلا مع ألف سلامه روح وأوعاك ترجع تاني ماهو أنت أصلك ياسيدي أناني ولا تعرف معني يعني أيه أنسان أواني وفي بيتة خالاني وأستغني بيا عن كل خلانها وأهله وجيرانه بس أصلك معزور ماأنا أل خليتك تعيش في الدور وعملتك من مافيش أقولك علي تحضريك يلا أكتب المقادير يمكن في يوم يكونلك تقدير مقاديرك هي
أولا ::شخص عادي من غير حنيه
ثانيا::شخص عادي قلبه سواد
ثالثا ::شخص عادي وأنا كبرته
رابعا ::شخص عادي وأنا عملته خامسا ::شخص عادي وأنا نفخته
بخلط المكونات يطلع الشخص أل فات قليل الأصل مع مرتبه الشرف وأنا أل كان ليا الشرف في تحضريه عشان كدة أنا أل أستاهل كل من يتساهل ويعلي عليا ماأنا أل عملت خدي مداس عشان تدوس عليه الأنجاس يلا خلاص كفايه كلام وهاأسكت سكات ومش هاأتكلم في أل فات والباب أهو مفتوح يفوت جمل بس أنت أصلك مش جمل أنت شئ لا يحتمل مهما عملت معاك وتعبت أنا وياك حضرتك وأخد الندالة مع مرتبة الشرف وأستحاله والف أستحالة أني أغيرك لكن أعرف أخسرك خسرتك مكسب ليا نقول بايباي وعليك ياباي

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى