رياضه عربية وعالمية

افراح شوارعنا.شعر حلمنتيشي

بقلم/ إيڤيلين موريس

زيطه وزنبليطه ..وزينه وانوار ع الحيطه.
وزغرطي أو ياشابه…ووزعي الشربات ع الحته

ده الجواز قسمه ونصيب..والعمر مهما ان طال قصير.
والمال قليل كان او كتير…البركه في ايدك والتوفير .

وعل راي جدتي
دوري ع اللي يسعدك ..وف عينه يشيلك ويبغددك.
وحبه يكلبش في مُهجتك…وقلبه يرقص من صوت ضحكتك.

لو فكرتي تاخدي ظابط…حتلاقي البيت ظابط ورابط.
وان كان مهندس …يبقي ياسعدك في البيت حيهندس.
أما لو دكتور …يبقي انسي انه ع البيت راح يفوت
ولو كان محاسب …يبقي في الداخله والخارجه اكيد حيحاسب
ولو اديب ولا شاعر … يبقي يابختك حيغديكي مشاعر
اما بقي لو رجل اعمال …ف متنسيش تحصنيه من الاعمال

واهي بطيخه بعد الجواز حتفتحيها ..
ياتلاقيها حمرا ومستويه وتسعدي بيها .
ياأما بيضا وقرعه …وأخرها تتزيني بيها.

نصيحه
احسني الاختيار ياشابه منك ليها

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى