جمالك عندنا

اسباب وعلاج احتباس السوائل في الجسم 

د /ضحى يوسف

 

 

_ احتباس السوائل في الجسم من أهم اسباب ثبات الوزن علي الميزان واللي اغلب الناس بتعاني منه ومش بتلقي عارفه سببه للاسف وبالتالي مش بتعرف نعالجه صح

_هو عبارة عن تراكم السوائل في تجويف الانسجه الدموية واللي ممكن تؤدي وبشكل كبير الي تورم الساقين والكاحلين وانتفاخ في الجسم عموما

 

١_الافراط في تناول الأملاح

 

_وده بيكون بسبب الإفراط في تناول الأطعمة اللي بتحتوي علي نسبة عاليه من الصوديوم وبالتالي لينتج عنه استهلاك لكميات أكبر من المياه ومع زيادة نسبه الصوديوم في الجسم ده بيؤدي للاحتباس السوائل في الجسم والخلايا بتنويع حوالي ٢٠ مرة

 

٢_نقص المغنيسيوم في الجسم

 

_من أهم اسباب احتباس السوائل في الجسم وده لان المغنيسيوم من العناصر المهمه لاغلب عمليات الجسم ، وبالتالي نقصه في الجسم بيخليه غير قادر على التخلص من السوائل الزيادة وبتتحبس في الانسجه

 

٣_نقص فيتامين B6

 

_وده لأنه الفيتامين المسئول عن توازن السوائل في الجسم وحسب الدراسات أن أغلب الاشخاص اللي بيعانو من احتباس السوائل ليفي عندهم نقص شديد في الفيتامين ده ، وان مع تناول الأطعمة الغنية بفيتامين ب ٦ المشكله بتختفي بشكل ملحوظ

 

٤_ضعف تدفق الدم باوردة الساقين

 

_من اكتر اسباب احتباس السوائل شيوعا وخصوصا في فترة الحمل ، واللي بتكون السبب في تورم الساقين والكاحلين بشكل ملحوظ

 

٥_اتباع نظام غذائي منخفض السعرات

 

_و ده لان انخفاض السعرات عن الحد المسموح بيه الجسم ده بيؤدي للاحتباس السوائل في الانسجه ، بسبب عدم كفاية البروتين في الدم وبالتالي عدم قدرة الانسجه علي التخلص من السوائل الزيادة اللي فيها

 

٦_احتباس السوائل قبل البريود

 

_و ده بيبقي شائع جدااا في الفترة دي وخصوصا مع كثرة تناول الأملاح والأطعمة المشبعه بالدهون والسكريات ، مع نقص الفيتامينات والمعادن في الجسم

 

٧_مشاكل القلب والكلي

 

_في الغالب الاشخاص اللي بيعانو من أمراض القلب و الكلي ، بيبقي عندهم مشكلة احتباس السوائل في الجسم وخصوصا مع تناول الأدوية طويلة المدي

 

_علاج احتباس السوائل

 

١_الامتناع عن تناول الأملاح بكثرة ، ليك حد أقصي ٥ جرام في اليوم ، لأنه ما ينفعش تمنعه تماما

 

٢_تناول الأطعمة الغنية بفيتامين ب ٦ او ممكن تاخده في شكل حبوب

 

٣_تناول الخضروات وخصوصا داكنه للون منها لأنها غنية بعنصر المغنيسيوم

 

٤_الاعتدال في شرب المياة وتبقي علي فترات علي مدار اليوم ، ما ينفعش تبقي مرة واحدة

 

٥_تناول المشروبات المدره للبول زي مغلي البقدونس ، الشاي الاخضر بالكرفس

 

٦_ممارسة التمارين أو أي مجهود بدني ، وده هيخليك تخرج كمية أكبر من المياة المخزنه في الجسم من خلال العرق

 

٧_المواظبة علي شرب المياه ، لأنها من الحاجات المدره للبول بكثرة

د /ضحى يوسف

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق