رياضه عربية وعالمية

ازاي اعاقب ابني علي تصرفاته. دكتوره نسمه عصام

انا تعبت مابقتش عارفه اعمل ايه ابني بيغلط وكل اما اعاقبه حد يقولي كده غلط انا متلغبطه بجد
ازاي اعتقب ابني علي تصرفاته؟

المحتوي

اولا لازم تعرفي ان لكل طفل أسلوب عقاب يناسبه واللي ينفع مع ابنك ماينفعش مع بنتي لان باختصار كل طفل وليه طبيعته في طفل حساس جدا ميتحملش ضغط زياده عليه علشان كده قبل ما نفكر نعاقب ولادنا لازم نعرف تأثير العقاب عليه هيكون ايه طب هل ياتري هياثر فيه العقاب ولا يزيده عناد وغضب وخلي بالك ان الأطفال ممكن تنسي الغلط وتفتكر العقاب .. وده يخليكي تاخدي بالك كويس وانتي بتحددي أسلوب العقاب

وطبعا لازم تركزي شويه في الكلمتين دول لانهم مهمين شويتين

اولا: لازم تعدلي سلوك حضرتك الأول انتي وبابا وأخواته الكبار ايوه زي ماقريتي كده ليه بقي علشان ابن حضرتك اللي عايزه تبطليله العصبيه هو جايبها منين اكيد من البيت فمستحيل نغيرله سلوك احنا كقدوه بنعمله

يعني مثلا رد علي عمو يا حبيبي قوله بابا مش موجود كله وللأسف بنغرس فيه الكذب وبنرسخه ونرجع نضربه لو كذب ونهينه وتقواه 《ياكذاب》

ثانيا :لو عمل حاجه كويسه كافئيه وامدحيه مش لازم يعني الغلط بس اللي يتقال والا مش هيبقي في فرق عنده مابين الاتنين هيمشي بمبدأ اعمل او معملش انا غلط دايما ومش هعجب بابا وماما

ثالثا: لما يغلط ويحس بغلطه ويجيلك يعتذر متتقليش قوي عليه لو سمحتي علشان ميوصلش لمرحله هيا حره بقي انا مش هعتذر تاني فتبتدي تغيب عنه قيمه الاعتذار والتسامح

رابعا: من فضلك ماتحوشيلوش اخطاء وتركميها علي بعضها مافيش حاجه اسمها انا بحوشلك علشان اعاقبك مره واحده لازم العقاب يرتبط بالغلط والا بقي مالوش لازمه

خامسا: ماتهدديش بعقاب ابدا و انتي مش متأكدة انك هتنفذيه.. هتهددي بعقاب يبقى لازم يتنفذ لو الخطأ حصل .. التهديدات المتكررة اللي في الهوا دي بتخللي الطفل يستهون بيها ومعذرتا بيكي انتي كمان

سادسا: الله يخليكي بلاش العقاب اللي من نوع انا هحبسك في اوضه الفيران وهرميك في الشارع وهقوم اكسرك وهحرقك بالنار ارجوكي بلاش رعب ده عمره ماكان عقاب ابدا ده تهديد بيربي عنده عنف وعدوانيه زياده وبس

سابعا: اذا سمحتي بطلي تشتميه قدام حد علشان ده بيكسره ويخليه ضعيف ومهزوز اذا مش هتمدحيه متغلطيش فيه لحد ماتقعدي معاه لوحدك وتفهميه غلطه

ثامنا: هستاذنك تتفقي انتي وباباه انه لما يغلط انتي ماتزعليش وتعاقبيه وهو يلعب ويهزر معاه اكيد ده غلط جدا لانه بيه ايه يفقد إحساسه بالغلط ويحيي انه المفتريه القويه الشريرة

و طبعا لازم اوضحلك ان البوست ده مش لأنواع العقاب خالص ده علشان حضرتك تعرفي الأخطاء اللي بتعمليها وقت العقاب .. ونصيحة اخيره افتحوا حوار مع اولادكم شوفوا ايه مزعلهم منكم وايه التصرفات اللي زعلتهم منكم حسسوهم انهم ليهم حريه التعبير عن الراي في البيت . خلي لهم وقت تشاركوهم فيه اللعب والقراءه والرسم علشان لما تقرر تعاقبه لما يغلط تحرمه من الجلسه دي فيبقي الحب والمشاركه هما الدافع لتغييره
حافظواعليهمصح

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى