ثقافة وفن

إمتى المخرج يقول Next

بقلم :
المؤلف والمخرج
فارس البحيري

في نصيحة مهمة عن الإخراج السينمائي أدركت إنها كمان تنفع للحياة، يمكن أكثر من السينما :

“المخرج الشاطر يعرف إمتى يقول Next”

يعني مهم للمخرج في التصوير يعرف إن ماعندوش كل الوقت إللي في الدنيا، ولازم يلحق يخلص المشاهد اللي مقرر يخلصها في يوم التصوير يا إما هيترتب على عطلته خسائر فادحة، لازم يعرف ساعات إن ليس في الإمكان الحصول على أفضل من ما كان، ولازم يقول Next ويخش على تصوير المشهد إللي بعده.

يعني ساعات لازم يدرك إن خلاص ده آخر الممثل، ماعندوش أداء أحسن، حركة الكاميرا مش هتتظبط أكثر، أو يمكن هناك فرصة للتجويد لكن هيضيع وقت كبير وهيخسر المنتج فلوس ويضرب جدول تحضيره صعب وتغييره أصعب.

كمان في الحياة، الإنسان الذكي لازم يعرف إمتى يقول Next، يا إما بردو هيترتب على عطلته خسائر فادحة، الخسائر هي وقته وساعات عمره.

لازم يدرك إن خلاص الهدف ده خد وقت كافي في السعي إليه، العلاقة ديه خدت وقت كفاية في محاولات إنعاشها، الشغلانة ديه خدت وقت كفاية في محاولات تقبلها، الخسارة ديه خدت وقت كفاية في الحداد عليها، وأكثر من كده تضييع وقت، والوقت هو أقيم ما نملك لإنه ممتلكنا الوحيد اللي لما بيروح لا يعوض.

علشان كده لو ماقولتش Next خسارتك لا تعوض، وستعيش حياة أفضل وأحلى وأغنى بكثير لو عرفت إمتى تحط النقطة.

وتقول Next

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق