ثقافة وفنفن ومشاهيرمقالات

أسرة عبد اللطيف الشحات وربة الاسرة شيرين محمد سرور وإبداعهم فى عالم الأثاث 

مقال بقلم /منى منصور السيد


أسرة عبد اللطيف الشحات وربة الاسرة شيرين محمد سرور وإبداعهم فى عالم الأثاث…..

إبداعات أسرة عبد اللطيف الشحات
إبداعات أسرة عبد اللطيف الشحات

 دمياط بلد الموبليات من قديم الزمان فكنا من الأزل نسمع رايحين دمياط نجيب موبليات
وبالتالى كانت المقصد دوما لكل من يبحث عن الأثاث الجميل المتين العريق و نجد أن دمياط تميزت أن العائلات جميعها يساعدون بعضهم بعضا فى صناعة الأثاث والموبليات وهناك بيوت إشتهرت بصناعة الأثاث وهنا تعرفت على عائلة عبد اللطيف الشحات الزوج والزوجة شيرين محمد سرور والاولاد محمد ومريم ما شاء الله نموذج من العائلات المكافحة فنانين بمعنى الكلمة متعاونين فى فنهم واليوم سأقترب من ربة الاسرة لنتعرف عليها وعلى رحلة الأسرة فى إبتكار طرق جديدة فى تزيين قطع الموبليات لتكون تحف تضاهى الإنتاج العالمى …….

عرفينى بنفسك ؟!!

 

انا اسمي شيرين محمد سرور
من محافظة دمياط.

إبداعات أسرة عبد اللطيف الشحات
إبداعات أسرة عبد اللطيف الشحات

كيف بدأتى العمل اليدوى ؟؟؟

بدايتي مع العمل اليدوى كورس خياطة تقريبا منذ ست سنوات عمل تطوعي في جمعية رسالة وإتعلمت فيه كتير جدا وبدأنا بعده كورس خرز والحمد لله كان تمام وإتعلمت كل شئ يخص الخرز وبدأت بعدها عجينة السيراميك.

إبداعات أسرة عبد اللطيف الشحات
إبداعات أسرة عبد اللطيف الشحات

كيف طورتى من إستخدامات عجينة السيراميك ؟

وكيف ابتكرتى فكرة استخدامها بالموبيليات ؟؟؟
و العجينة مرتبطة بشغل الموبليات لان متوفر كل وسائل التعلم والأماكن اللي هتتشطب فيها القطع متوفرة الفكرة مش فكرتي فيه عجينة نشارة وفيه ناس بتشتغل عجائن مختلفة اول قطعة انا نفذتها كانت تقليد لقطعة وبعد كده بدء شغلي الخاص وموديلات خاصة مش متكررة لانها من ابتكاري طبعا هي استغلال جديد لعجينة السيراميك غير التحف واتمني اتطور في شغل ونبتكر فيها اكتر واكتر بس طبعا محتاج إمكانيات واسطمبات جديدة مش تقليدية .

إبداعات أسرة عبد اللطيف الشحات
إبداعات أسرة عبد اللطيف الشحات

كيف تعاونت أسرة عبد اللطيف الشحات جميعها فى العمل اليدوى؟؟

اتعلمت من النت وزوجي ساعدني واولادي في الإجازة واخواتي كمان بيساعدوني لما بيكون عندي ضغط في شغل و لان الزوج شغله في الموبليات احنا مشتركين بكل قطعة بنكمل بعض فيها والاولاد طبعا فيه قطع اسطمبات مسؤوليتهم أنهم يجهزوها وبيشتغلوا معايا ويعرفوا معظم التفاصيل لانهم 16سنة و13سنة.

إبداعات أسرة عبد اللطيف الشحات
إبداعات أسرة عبد اللطيف الشحات

ما الصعوبات التى تواجهك مهنيا ؟؟؟

الصعوبات كعادة كل صناع الهاند ميد التسويق والتمويل طبعا اكتر صعوبات بتواجهنا هي التسويق لان يعتبر الشغل معظمه كان تصدير
ما طموحاتكم بالنسبة للعمل اليدوى فى مدينة دمياط
اتمني أن يكون جهاز مسؤل عن تسويق الموبليات بدمياط عموما لأنها أزمة دمياط كلها استغلال كبار التجار لصغار المنتجين لان مفيش تسويق لصغار المنتجين والخامات متوفرة لكن تكلفتها عالية نتمني أسعار الخامات تنزل لتقليل تكلفة المنتج طبعا وياريت كل أصحاب الهاند ميد يكون ليهم اسواق يقدروا يشوفوا فيها منتجاتهم وتتصدر لكل دول العالم من غير استغلال وحد يبخس حقهم .

ما طموحك على المستوى الشخصى ؟؟؟

اني افتح جاليري كبير واعلم فيه بنات كتير المهنة دي لانها مجالاتها كتير وكل واحدة جواها حس فني بيطلع علي الشغل بس محتاج فرصة.

أسرة عبد اللطيف الشحات
أسرة عبد اللطيف الشحات

أسعدنى جدا الحوار فى الاستاذة شيرين محمد سرور وأسرتها الجميلة التى تعكس معنى التعاون والتضامن فى الحياة وأتمنى لهم النجاح فى تحقيق أهدافهم وطبعا أخص بالذكر الزهرتين محمد ومريم فهم فعلا مثلا للأبناء البارين والمكافحين ونموذج مشرف لشباب مصر .

اظهر المزيد

مجلة مملكتي

مجلتنا هي نقطة شروع جديدة ومميزة لبناء أمرأة واسرة ومجتمع لائق ومتحضر.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق